雖然車路士要等周一返主場對屈福特賽後先捧到盃，但球隊上下已經忍唔住，喺山楂球場大事慶祝，其中迪亞高哥斯達（DC）最癲，返到更衣室淨係着底褲周圍走，任人點影都冇所謂，而當領隊干地返到更衣室，佢仲即攞香檳狂噴呢位阿頭，之後仲對住鏡頭，喺一名車仔教練人員嘅身後，做咗一個有啲不雅嘅慶祝動作。