【本報訊】去年母親節，70多歲草根黃媽媽跟80後兒子Calvin的深水埗西九龍中心為雪糕車仔檔開張。5元兩個大大雪糕球蝕住賣，兩母子依然心花怒放。一年後的母親節，疑因雪糕賣得太平被商場趕盡殺絕，還「贈興」於母親節清場。老媽說，能與「命根」一起圓夢賣雪糕再沒遺憾。不過目不識丁的她仍有點揪心和想不通，榨乾自己僅餘的精力回饋社會竟是罪？
記者：蔡朗清
平賣雪糕球是噱頭、搶生意，抑或打從心底回饋深水埗基層街坊？還聽聽這對窮母子的小故事。蹲坐雪糕檔旁的凳仔、老得忘記自己究竟是幾多歲的黃媽媽娓娓道來，她年近半百才生孩子，「嗰日半夜要生入院，我盆骨有問題，好難生，我同醫生講，開咗我個肚，生佢出嚟」。這個就是黃媽媽掛在口邊的命根Calvin，翌年還誕下一女。
Calvin自幼體弱多病，「一個月有兩次燒到華氏99度，一歲嗰陣急性氣管炎，燒到100度，打住風帶佢睇醫生。佢係我命根，寧願我死，佢都唔可以死」。黃媽媽說，一家四口住在深水埗楓樹街唐樓約200呎單位；丈夫做看更，她做清潔，合共每月掙取千多元。家窮也要窮得有家教，黃媽媽沒有獨留孩子在家中，「我嗰陣喺土瓜灣做清潔，咪搵嗰區幼稚園畀對仔女讀下午班」。
她早上安頓子女在工作場所附近的麥當勞，中午回麥記一起吃飯，「多數食包，3蚊一個，有時一個叉燒飯盒3個人食。啲阿姐好好人，幫我睇住佢哋。放學後老師送佢哋嚟我做嘢地方」。
賣$5兩球雪糕回饋街坊
那些年街坊人情味濃，留下今天黃家回饋基層的想法。為何賣雪糕？Calvin說，小孩子當然愛吃雪糕，媽媽也喜歡，但當年窮只好忍口，「麥當勞有軟雪糕賣，間中有得食都留畀阿妹」。母子二人不約而同說，無錢買雪糕，就買雪條，「我哋好好彩，買一支雪條畀阿女食，中獎送多一支畀哥哥食，哥哥食完又中，就輪到我食。試過好多次」。
「仔女都好乖，點樣辛苦，都要供佢哋讀到大學」黃媽媽說。Calvin升中後半工讀幫補家計，父親因患糖尿病，過去10年已沒工作，近年雙目失明，家中重擔落在Calvin身上。幸兩兄妹最終圓母親的夢，均大學畢業，Calvin去年更完成碩士課程。
受人恩惠必定報，任職文員的Calvin希望在長大的深水埗回饋草根街坊，去年中選址西九龍中心開設雪糕檔「ICE cha cha」，5元賣兩球「希望大人細路都食到」。
富人做善事，只不過從口袋拿個零錢；窮人做善事，既要榨盡餘錢，還要身體力行。黃媽媽說，「無錢係萬萬不能，但係錢唔係大晒，我哋窮都要做善事、積福。」在美孚社企食肆任清潔的黃媽媽下午4點收工後趕到西九先開檔，7點由兒子接更。
現場所見，黃媽媽彎腰裝雪糕顯得吃力，還穿上一對破爛鞋。她笑笑口、拍拍腿說，腰腳有點痛，「最緊要同阿仔一齊做得開心」。她又解釋，雪糕檔去年5月母親節開檔，兒子已送她一雙波鞋，「千幾蚊㗎，我唔捨得着，咪着番舊鞋囉」。
「好想下世佢都係我媽媽」
黃媽媽說，今天會是她有生以來最難忘的母親節：「今日同阿仔一齊開嘅雪糕檔結業，呢幾日收到好多街坊送花嚟，好開心，都冇遺憾。」口中說無憾，卻又喃喃自道：「蝕本賣雪糕回饋街坊，唔明白點解商場唔續租。」
看着身邊的窮媽媽，Calvin在人龍前說：「我好想下一世佢都係我媽媽，係我榮幸，窮唔係有罪，媽媽已經將佢最好既畀晒我，好感激媽媽。」
