喺職業足球壇，除咗球星可以好紅之外，做經理人亦可以好吃香，其中手執包括基斯坦奴朗拿度等球星嘅經理人佐治文迪斯，就被稱為超級經理人。文迪斯同曼聯領隊摩連奴私交甚篤，據報仲同英冠狼隊嘅中國班主、復星財團領導層好啱嘴形，仲話今夏狼隊嘅一切球員買賣，都會由文迪斯打骰！狼隊領隊林拔知道後，就梗係好嬲啦，仲話唔排除會因為咁而劈炮㖭！