除咗周薪，𠵱家大部份足球員合約都有附加條款，數到騎呢條款就不得不提今季喺法甲尼斯翻生嘅巴洛迪利。原來巴神效力利物浦嗰陣有項條款，話只要單季因為暴力、粗言穢語等不君子行為被逐少過三次，季尾就有100萬鎊（約1,004萬港元）獎金！如果報道屬實，呢名意大利前鋒喺2014/15球季效力紅軍期間冇攞過紅牌，咁咪突然荷包腫脹囉！