早前傳候任特首林鄭誠邀陳美齡做下屆教育局長， 雖然之後好多人話係流，但都仲有人傳。陳美齡噚日以校友身份，出席瑪利曼中小學20周年論壇後，就斬釘截鐵話唔會出任教任教育局局長，仲話連任何同教育有關公職都唔做。
佢話喺日本有自己公司及事業，丈夫喺日本，三個仔喺美國求學，所以唔會做，又話香港應有自己度身訂做嘅教育制度，唔係用考試評估能力定生死。佢考慮透過民間運動，爭取實現佢提出嘅40個提案。
佢話日本吸引唔少中港台遊客，唔止係日圓貶值，而係日本文化旅遊財產有中港台冇嘅吸引力：就係日本人有禮、守法、整潔、守時嘅文化。港人應學習日本嘅團結精神及公德心，而唔係以個人為主。佢憶述當初嫁到日本生活，最初有點唔習慣太多規矩，