臨近端午節，不少人都會包糉過節，鹹蛋黃幾乎是必買材料，但若買回來的鹹蛋竟沒蛋黃，怎教一眾包糉市民不驚訝？有馬鞍山主婦不滿在區內一雜貨店，再次買到無蛋黃的鹹蛋，之前向老闆投訴不果，揚言杯葛該雜貨店，「以後再不幫襯！」
主婦Jojo Sk昨晨在facebook群組「馬鞍山之友」上載多幅相片，指她上月中在頌安街市一燒臘店旁的雜貨店購買鹹蛋，但切開後發現至少有2隻均無蛋黃，坦言「已經不是第一次，之前已經投訴間雜貨店老闆，你啲咸蛋冇黃，佢話：點會呀！」
Jojo又指，已光顧該店多年，「好彩仲未開始包糉，如果買幾十個咸蛋，全部都冇黃，就真係激死……以後再不幫襯！」她因好奇心驅使，試食過少量「無黃鹹蛋」，發現「係鹹嘅，實啲啲，只有蛋白味，並冇蛋黃香味」。
從照片可見，「無黃鹹蛋」的蛋白呈橙黃色，與一般鹹蛋的白色有出入。Jojo坦言一年多前，已買過「無黃鹹蛋」，當時有告知老闆，「嗰次會諗，可能批貨啲蛋唔好，真係唔好彩，但又試係咁」，現時「唔會想拎蛋去換，唔係錢嘅問題，係信心冇咗！」
有網民留言質疑是假蛋，亦有網民估計，「無黃鹹蛋」的成因是那些鴨蛋「壞了才醃」，蛋黃早就散在蛋白裡，令蛋白異常地呈橙黃色。有街坊大呻早前在該店「買排美國蛋，一半臭蛋壞蛋」，還出售「軟晒嘅蒜香花生啊」，但也有人留言指「呢間我成日幫趁買咸蛋同皮蛋，好正常」、「買咗好多年，一直都冇事，有冇同老細傾下，係咪啲貨有問題？」
【網民點睇】
蘇薩克：細個成日問阿媽買蛋點解要照，阿媽話睇下有冇黃，我仲覺得阿媽傻，點解會冇黃
Ralph de K：可能蛋黃包晒糭，蛋白唔好嘥，整個齋蛋白蛋你哋嘆下，又環保又瘦身，國產環保咸蛋！
麥錦鈿：個蛋黃偷咗條LAN線上吊，走咗
Christopher Yip：Kinda出奇蛋
Lau LoYing：樓主應該去買六合彩