皇家馬德里殺入歐聯決賽，衞冕之途只爭祖雲達斯呢一關，對加里夫巴利嚟講就更有必拼之心，因為決賽喺威爾斯卡迪夫城舉行；身為威爾斯國腳，佢當然想喺江東父老面前威啦。不過巴利喺國家打吡對巴塞隆拿再整傷小腿肌肉，趕唔趕及復出都未知，佢喺ig上載喺泳池打拳嘅相，望以特別療法令自己可以盡快披甲。不過艾斯高呢排咁勇，巴利決賽有冇正選踢都未知啦。