【本報訊】5月14日母親節，又是子女們孝敬慈母「食番餐好」的日子，惟不少埋怨訂位太難，訂到又要受氣，被迫擒擒青食趕交枱，更要點較貴套餐。本報抽查巿面多間熱門酒樓，部份於母親節只准點套餐，大多分兩輪入座，限時交枱，其中沙田新城巿廣場翠園、又一城八月花及旺角好彩用膳時間最短，只有約兩小時。
記者：伍雅謙 林社炳
不少孝子孝女為媽媽慶祝母親節，受了不少酒樓的氣，正如馮小姐說：「又冇得揀菜，只有食套餐。」黃先生亦指，「貴唔係問題，酒樓太多人，今年喺屋企食方便啲。」祈先生則稱，「酒樓喺母親節分兩輪，好麻煩，又要跟set（套餐）食，又會一次過上所有餸菜，好似催你快啲食完，快啲走咁」。曾小姐表示，母親節食肆客人多，自己與家人吃飯時見外面多人等位，也會快點吃完離開。
本報連日向沙田新城巿廣場翠園、旺角稻香及好彩、又一城八月花、葵芳御苑、尖沙嘴鴻星及帝苑酒店查詢母親節訂座情況，全部都稱當晚必須預訂，除稻香只有做一輪晚巿，其餘食肆均設兩輪。第一輪入座時間主要是6點或6點半，雖沒強制一定「齊腳」才能入座，但硬性規定交枱時間8點或8點半，只有約兩個小時，本來一家人溫馨聚餐要「三扒兩撥」。第二輪則較寬鬆，不用趕交枱。
限時交枱 只供應套餐
食肆也規矩多，其中葵芳御苑，頭輪6點入座，8點15分交枱，但只能點套餐，次輪才可以散叫。新城巿廣場翠園及又一城八月花均是6點入座，但8時要交枱，旺角好彩首輪6點半入座，客人須準時入座及8點半前交枱，三間用膳時間都只有兩小時，較御苑還少了15分鐘；翠園可選套餐或散叫，八月花只有少量菜式可散叫，變相要客人點套餐。旺角好彩則點套餐及散叫均可。旺角稻香、尖沙嘴鴻星及帝苑酒店雅苑座的母親節規定比較寬鬆，其中稻香不設頭圍及尾輪，隨時入座，套餐、散叫均可。鴻星首輪6時入座，8時半前交枱，用膳時間較長，亦會為遲到客人留枱15分鐘，又可選擇套餐或散叫。帝苑酒店首輪5點半入座，8時交枱，第二輪8時半至11點半，用膳時間2.5小時及3小時，其間自由時間入座，並安排即場巡演及提供花束每枱拍照。
餐飲聯業協會會長黃家和表示，母親節食肆晚上分兩輪用膳時段希望多做生意，「客人限時限刻咁食，係會食得唔舒服。但有客嘅話，酒樓都會做兩輪生意。酒店母親節自助餐服務，會較酒樓好，唔會催客人走。」
但他補充，今年餐飲巿道一般，部份食肆訂位仍未爆滿，不少酒樓當晚只能做一輪生意，「只有啲連鎖式酒樓做到兩輪，薄利多銷，12位一席母親節套餐只係三千至四千蚊，同舊年差唔多。」