英超賽會周五公佈四月最佳領隊同最佳球員，由熱刺擸晒威到盡，分別係普捷天奴同孫興民得獎。普捷天奴喺競選入面擊敗咗侯城主帥馬高施華、曼聯領隊摩連奴同李斯特城領隊奇治沙士比亞等，已經係執教生涯第四次攞呢個獎；至於孫興民亦唔係第一次拎最佳球員獎，𠵱家仲要一季拎兩次，為亞洲同南韓爭光。孫興民就好識做，好謙虛咁話感謝隊友、領隊同幕後團隊。