發達鳥找換店負責人王偉霖指，每百日圓兌港元跌穿「6.8算」後，每日收到半百客戶透過WhatsApp查詢滙價。他又指鍾情遊日的港人，對日圓滙價變動好敏感，每逢日圓跌穿心理關口位，公司電話響不停。
「多到爆咗!分分秒秒多到爆，日日都排隊….你話滙率幾好幾差，好似宜家咁，YEN咁樣跌，心理關口啦，其實主要數字係心理關口，你話係咪跌好多，跌幾多，跌幾少，唔係重點，嗰個心理關口，『7算』同『6.9算』、『6.8算』，嗰個臨界點。」
他又透露，客戶查詢日圓滙價問題幾乎乜都有，「有冇得唱?今日兌幾多? 應唔應該今日換錢?呢啲日本銀仔去到日本收唔收？宜家要去九日北海道，究竟要換幾多錢？」
王偉霖指找換日圓佔生意額最多，佔約九成，平均每名客戶兌換日圓金額為6千港元至1.2萬港元不等，他指多數客戶找換日圓去旅行，因前往日本機票價格回落，港人遊日熱情持續。而找換店每日平均「買貨」約4,000萬日圓（約340萬港元），應付客戶找換日圓需求。
至於是否「早買早享受」？交通銀行香港環球金融市場經濟及策略師袁沛儀認為，美國短債孳息回升，美元轉強訊號已出現，美元若持續上升，日圓滙價很大機會下跌。
截至昨日晚上8點，每百日圓兌6.8407港元。