【本報訊】有小股東在長和（001）股東會上向主席李嘉誠查詢股價「見家鄉」問題，李嘉誠直言股票高低無法控制，但「我嘅股票絕對唔會賣，只有買！」公司亦會適時買入。談到以股代息時，李嘉誠坦言「希望派息會一路加啲」，但「派股票的機會唔太大」。
對於會否回購股份，他指「未有考慮今日公佈買幾多，但呢個提議都值得考慮吓」。但上一輪長和回購已是去年11月17及18日，回購約200萬股，涉資近1.9億元。相反，長實（1113）自今年3月23日起至本周二（5月9日）止已回購逾6,647萬股，涉資達35億元。
到底會否有回購上限，李嘉誠打趣指法律無限制要講回購數目，且預先講會對公司不利。但他安撫股東「若今年回購4至5%，每一股就會增值5%」。
他又笑指，「不敢講幾時買幾時停，有好多規例限制，但相信今日都會買啲」。
至於兩年前曾指前景不太明朗，未敢退休，李嘉誠昨再回應指「隨時退休都得，Victor（副主席李澤鉅）同所有執董，我退休佢哋會繼續做，Victor頂替我嘅位置」，又指公司成熟，其退休與否影響不大。
堅持買地需合理回報
談到長實增加非地產業務時，他強調「唔好以為地產唔做，今年仲賣緊幾百億，出年都係，仲有酒店收租」，但他堅持買地需合理回報，「我內心認為太高再去搶，可能未必做到咁樣，投資項目要有合理價」，又重申「我一樣想攞地，但超越我預算就唔做，盲目咁樣一定要非得到不可，未試過。」
他指，長實的非地產業務可帶來固定回報，像飛機租賃業務等只是一部份，總之投資能令公司固定收入「大幅增長」，如無意外「出年呢個時候會有好的報告畀股東」。
