中國籃球近年喺亞洲球壇嘅表現每下愈況，不過今次算係威番次。效力CBA遼寧嘅國手、有中國第一控衞之稱嘅郭艾倫（圖），日前正式同「飛人牌」簽約，成為呢個品牌旗下第一位亞洲運動員。郭艾倫報稱23歲，但因為唔少中國球員有報細數「傳統」，就俾網民笑佢似28歲，佢喺上季CBA仲成為明星賽得票最多嘅本土球員，據講郭艾倫嘅贊助費至少涉及千萬人民幣。