科幻小說／電影都話人工智能有朝一日會叻過人類兼控制人類，好似Alpha Go捉圍棋就贏晒頂尖橫手，但講到影相又會唔會靚得過得獎攝影師呢？比利時媒體藝術家Dries Depoorter及攝影師Max Pinckers就合力開發出一部好有實驗性的人工智能相機The Trophy Camera，成部相機沒有任何手動操作部份，而是透過內置在相機的迷你電腦Rasperry Pi去學習及分析自1955年來世界新聞攝影得獎作品再自動拍攝，若然拍到的相片自我評分達到90%以上就會上傳到trophy.camera網站，理論上上傳的相片都應該好有大師級水準。不過理論始終只係理論，又或者內置電腦的學習能力太低，暫時The Trophy Camera自認拍得靚的相片大部份都是鬆郁濛相片，相信你同我用部手機影相都更靚。兩位發起人就話部相機影得好唔好都係其次，主要是讓大家反思現時發展得非常急速的電腦科技及人工智能對新聞攝影的影響。
資料來源：PetaPixel
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily