美圖（1357）創辦人蔡文勝兒子Cai Rongjia 又沽美圖喎！根據聯交所資料，Cai Rongjia繼上月中沽30萬股，上星期五又沽30萬股，平均價10.8元，套現324萬元。
睇番美圖舊年底上市招股書，Cai Rongjia持股7%，兩度減持後，最新持股量低於5%，佢又唔係董事，理論上佢再減持都毋須申報，不過佢手貨應該同蔡文勝連埋一齊計，如果再有變動嘅話，喺蔡文勝條大數應該繼續睇到。
美圖上市未夠半年，幾蚊起步，最高去過18元，跟住滑番落嚟，噚日收10.16元，阿仔沽貨又有幾奇吖，當零用錢喇。