手機、按摩機等科技產品近年強攻女性市場，似乎都是母親節送禮好選擇。不過全男班的Gadget Guy向來膽大，但心思不夠細密，就算送手機也不知送邊部好，決定上街查訪媽媽喜好。手機、按摩機、現金獎三選一，問了13位媽媽，手機就以5比3之差擊敗了按摩機，當中方太和陳太都表示，手機對媽媽很重要，子女上學，學校通知、功課和日程全都在手機入面，甚至乎上網交費水、電、煤都是用手機。而年輕媽媽Emily就指有太多家庭照，64GB都不夠用。各位孝順仔女，不要以為買部國產大芒機就滿足到媽媽所需，操作暢順、影相靚、大容量，都是媽媽選手機的要求。
至於按摩機，市面上也出了不少按手按腳的新款式，但余太和何太都說常常拿重物，肩頸和背部最酸痛，看來最傳統的按摩椅或按摩背墊媽媽最受落。沒有選擇gadget的5位媽媽，當中4位都選擇一家人齊齊整整食餐飯已經足夠，1位媽媽現要現金幫仔女儲錢。其實最重要還是送禮者的心意，一餐飯加一張母親節卡已經足夠讓媽媽們笑逐顏開了。
記者：司徒港燊
攝影：黃子偉
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily