各位Apple Watch用家唔知有無為意，其實只要戴上Apple Watch步行、跑步或做其他運動時，只要達成到某些目標，如打破每日步行紀錄或連續幾多天達標，都可以在iPhone上的「健身記錄」內開啟成就取得徽章。
原來除常規成就外，Apple間唔中都會加入特別活動等各位Apple Watch用家取得額外徽章，下次機會就是5月14日母親節，只要在當日步行1哩（即約1.609公里），就可獲得母親節限定的玫瑰花徽章及同款的玫瑰花iMessenger貼圖。當然正常人要行1.6公里並無任何難度，不過可能有唔少媽媽要撐枴杖兼要慢行，1.6公里路程都算係一個挑戰。不過先旨聲明，今次Apple Watch母親節集郵活動只限美國Apple Watch用家參與，原因係世界各國的母親節未必在相同日子（雖然大部份國家都會在5月第二個星期日慶祝母親節），香港Apple Watch用家若想得到限定徽章，就要等下次機會。
資料來源：MacRumors
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily