「文藝學家」早前造出最快末段時間後，上周三再出改配潘頓立即9.5倍贏馬。本周三晚(10)快活谷夜馬，又有「欖球鑽石」及「飛馬再威」上仗交出最快末段時間，今次齊齊交由潘頓接手，尤其「飛馬再威」因雷神停賽而初配潘頓，必定把握機會盡砌。
第五場四班1650米，賀賢馬房「飛馬再威」雖然至今未勝，不過今季六仗均輸不足四身位，前仗田草1400米起步漏閘後，以全場最快末段時間追近，上仗配莫雷拉轉跑谷草一哩，又再次交出最快末段時間跑第三，最後400米22秒83，比起當晚三班同程衝得最勁之「文藝學家」仲要快0.12秒，既然「文藝學家」再出已贏馬補中，「飛馬再威」今次改由潘頓壓陣，當然要重視。
原來上月雷神停賽兩期期間，潘頓接手兩匹其剛上名座騎「英姿茂盛」及「都市神話」均入Q，「飛馬再威」睇配搭已知有心求補中。雖然此駒抽不利之12檔，不過潘頓三月至今四匹谷草12檔座騎，交出一冠兩亞佳績，未可因劣檔而低估。