睇過港產片《拆彈專家》嘅觀眾，一定對最後一幕紅隧遭500噸炸藥炸散嘅場面記憶猶新，原來大爆炸嘅幕後黑手係被父母認定只識打機、不務正業嘅90後宅男徐德彪。佢日前特別帶父母－齊睇呢套戲，父母見到震懾場面，開始明白佢宅得有道理，佢都想同宅男講：「同我—樣讀書唔叻嘅人唔使氣餒，只要搵到自己興趣，朝住目標進發，—定可以成功。」
受《侏羅紀公園》啟蒙
現職Free D Workshop特效指導嘅徐德彪記得細個睇《侏羅紀公園》，「以為啲恐龍係真。啲暴龍栩栩如生，仲有啲水珠滴喺暴龍身上，點會係假？」大個先知恐龍係CG特效，CG種子喺心靈萌芽，成為他人眼中嘅宅男。
中五面對人生交叉點，讀書唔叻就諗下有乜興趣，就係CG，結果報讀IVE遊戲動畫製作課程。揀啱路嘅佢畢業後殺入電影圈，2010年起參加多齣電影後期製作如《風暴》、《赤道》等，舊年仲升呢supervisor，首次帶隊為《拆彈專家》做後期CG製作。