尼馬喺上星期六嘅西甲聯賽為巴塞隆拿先開紀錄，協助球隊以4:1大勝維拉利爾，但據西班牙傳媒報道，巴塞上星期四操練嘅時候，尼馬因為畀助教Juan Carlos Unzue叫佢要專心踢波而同對方炒大鑊，要其他教練團成員介入調停。
據《世界體育報》報道，當時尼馬同Juan Carlos Unzue喺球場上討論緊戰術，Juan Carlos Unzue畀意見尼馬，但後者就唔認同，結果搞到炒大鑊，Juan Carlos Unzue最後仲話尼馬有潛質做世界最佳球員，但就要更加專注佢嘅足球事業。畀人話嘅尼馬離開訓練場時好唔開心，不過呢位巴西球星嘅隊友就唔肯評論呢件事。
Juan Carlos Unzue一直被指係如果巴塞教練安歷基離任會接替佢嘅人選，而尼馬亦曾經表示支持，不過，講嘢直腸直肚嘅Juan Carlos Unzue已經唔係第一次同球員發生衝突，之前佢都同達史特根同埋拿傑迪錫有過摩擦，唔知會唔會影響佢佢喺坐正呢？！