星期一的早上，我的手提電話被打爆了。全世界追問：「點解你哋會搵到鬍鬚拍片？」
其實鬍鬚不只拍片宣傳，甚至答應看我們的棟篤笑。
這真是大奇蹟日。做夢也沒有想過找到這位人氣王相助。完全機緣巧合，有一次和行家吹水，知道我搞棟篤笑宣傳，主動提議：不如你叫阿聰幫你拍片。
好喎！全港最多人想挖佢跳槽的超級人氣打工仔，阿聰肯幫手已經心滿意足。
電話響起，對方很快直入接題。「你想點？」「想你幫我拍片，sell吓飛。」
「你想唔想我叫埋John嚟拍片？」「嘩！好到極！」
「咁如果叫埋佢嚟睇好唔好？」我不敢接口。不會是玩電話吧？
事後發展很似警訊，他足足失蹤一星期，我也打定輸數。然後奇蹟誕生，星期日早上收到電話：「今日可以拍。三點OK嗎？」二話不說，馬上召集同伙用最短時間由零開始的準備好拍攝架生！
我和拍檔嘉銘度橋，終於以半小時完成一個集合薯片金句的劇本，並得到對家同意，馬上趕赴現場開工。
為曾生度金句其實很易，因為他本身金句已經很多。「信一個人不如信兩個人」、「嬲嬲多到上個鼻」大家都明白典故，反而有些金句，很多人都不知道出處。「棟篤笑像劍擊」其實是鬍鬚仍然專心做財爺時，曾說過「劍擊像兩個人的對話」，這個比喻很好，稍一改已變成「劍擊和棟篤笑」的關係。剃鬚睇騷gag是早幾年拍旅發局時已用，我們順手拈來抽水。鬍鬚人氣旺盛不用多說，但成功沒僥倖，若非他一向都愛玩（旅發局條片已講爛gag），也不能在參選時突然就變身成為「冷面笑匠」。你們也會和鬍鬚一起拍住看我們的棟篤笑嗎？