【本報訊】中資攻港，當中海航集團以272億元連奪啟德4幅地後，卻表示有意保留相當一部份單位予員工居住，不會出售。路勁（1098）執董單偉彪「好懷疑呢個講法」，若僅保留一幢作宿舍是有可能，但「4幢都係我又唔係好信囉」。他又估計，三至五年後中、港資將會「平分天下」。
海航頭炮是在去年11月，以天價88億元奪得啟德第1K區3號地盤，其後再以相近價錢取得3幅地皮。單偉彪認為海航出價進取，全因第一次投標出了高價，第二標就不能低於此數，否則「第時賣樓咪死囉」。
港樓利潤率高過內地
更重要的是，中資與港資計數方法全然不同，中資的底線只是香港項目的淨利潤高於內地即可，因在中國稅制下，計及利得稅及土地增值稅後，「會令地產商冇得發大達」，淨利潤率往往僅得一成，有些甚至「肉酸」得3、4%。相反香港買地不受限，內房很快便發現「喺香港賺十幾個（巴仙）原來好容易喎！所以你話佢（海航）癲又好，但到時賣樓超過2萬元一呎，已計得掂數。」
單偉彪指，港資若參與搶地，「會好難交代，未來（利潤）係一直跌嘅，你要新地（016）或長實（1113）突然話畀股東聽，我舊年賺40%（利潤率），但未來每年就跌5%，短期內未必敢講呢句說話。」不過，單指本港大孖沙們仍「有得揀」，包括轉土地用途、收舊樓等；加上他們「見過起伏，知道唔係一直向上（樓市），但內地地產商完全是不設防的」，故期望「一個浪嚟沖走晒個班人啦，又可以香港地產商獨霸啦。」
單偉彪透露現時有許多中資，希望在港找「盲公竹」，而路勁則「只係求做」，不會計較出資比例等問題。現時路勁與平安不動產各持黃竹坑站項目50%權益。單認為中資攻港，只是「有人辭官歸故里，有人漏夜趕科場」，如按現時中資投地的步伐，料3至5年後以銷售額計，中、港資將平分天下。