快活谷周三晚(10日)第七場二班1800米賽事，方嘉柏馬房派出「瑰麗傳奇」和「勢必跑」雙龍出海，其中身價1300萬的「瑰麗傳奇」上周二由雷神莫雷拉試泥地閘跑第三，馬主文壽強都有到場觀看，並指雷神試閘後對牠說此駒狀態OK。
不過，由於雷神今期停賽，所以「瑰麗傳奇」將初次配李寶利出賽。究竟此馬機會如何呢？文壽強說：「『瑰麗傳奇』上場谷草1650米是後備二，其實只想取得保護權，點知真係有兩匹馬退出，令此駒補上，當然馬房的準備工夫不足，加上中途跑傷右前腿不良於行，所以便大敗而回。我認為『瑰麗傳奇』今場形勢比上場好好多，排靚位(2檔)外，狀態亦比上場fit。今場『包裝騎士』排12檔，此馬靠放，前段必定要搶，加上有另一匹快馬『開心駿馬』，步速可能扯快，對靠後上爭勝之『瑰麗傳奇』有利，希望屆時有好表現。」
「瑰麗傳奇」曾三戰谷草1800米得一冠一亞，唯一落第純因途中腳痛，而贏馬一役則於二班大勝對手，此程實力可謂不用懷疑。