何家千金超蓮今日26歲正日生日，前晚一眾圈中好友蔡卓妍(Sa)、鍾欣潼(阿嬌)、鄭希怡(Yumiko)、丁子高、JW同吳千語等，同超蓮搞咗個生日P，唔少網民都覺得阿嬌同超蓮生得好似樣，睇番JW下午2點幾，喺Instagram貼出合照，見阿嬌同超蓮真係尤如孖公仔，JW留言形容超蓮係「正義小超人」，寫道：「HAPPY BIRTHDAY TO MY FAVOURITE 正義小超人。」
此外，丁子高喺Ig貼出被女圍嘅合照，叫超蓮下次練好啲再挑選過，emoji就貼出乒乓球同啤酒，似乎佢哋玩緊Beer Pong(投杯球)，鬥快將乒乓球投入對方陣營嘅酒杯就叫贏，輸咗要罰喝酒!