賭王三房太太陳婉珍生咗三個仔女，分別係大女超雲，同埋龍鳯胎嘅超蓮同埋猷啟，事業上三個都各有各發展，但感情方面呢，就唔係三個都咁幸福喇。
最幸福嗰個就係猷啟，同以色列索模Angelika拍拖年幾，兩個由拍拖開始，已經不停放閃四圍去旅行，試過一齊喺沙灘玩泥漿浴，拍拖半年就喺泳池一望無際咁睇日落。上年6月女友18歲生日，猷啟仲開party送上生日蛋糕。
超蓮喺2015年底，同台灣歌手吳克群結束4年感情，雖然之後一直都有同異性傳出緋聞，但超蓮都一一否認，強調現時要專心學業同事業，但超蓮又靚又上進，有心搵的話，都唔會搵唔到嘅。
超雲自從2013年同陳山聰分手，一直單身，專心幫媽媽打理租務生意，甚少傳出佢同異性嘅緋聞。