資深藝人曾守明上月在廣州登台期間暈倒，經搶救後不治，終年58歲。前日其家人在紅磡世界殯儀館為他設靈，昨日一早曾守明的遺孀邱淑芬及兒子曾忠燁抵達靈堂，兒子在靈前打點，接着和母親上香。約早上11時許舉行大殮儀式後，遺體隨即運往柴灣歌連臣角火葬場，忠燁捧着父親遺照下車，現場奏起軍樂，儀式完成後遺體火化。
好友最後道別
昨日鄧梓峰、米雪、袁潔儀、馬蹄露及鄭恕峰等藝人，都有送好友最後一程。鄧梓峰接受訪問時表示，他是以皇家香港軍團（義勇軍）中尉身份，在告別禮上向曾守明作最後致敬，他說：「曾太同兒子都希望我嚟做代表作一個送別，同守明喺TVB同義勇軍認識，我哋喺義勇軍解散之後，一齊加入航空青年會。」
米雪讚肯幫人
鄧梓峰續說：「守明嘅人生雖然短暫，但很豐富。因為佢喜歡多方面唔同嘅活動，所以大家都會見到唔同嘅機構代表前嚟送別，佢嘅人脈好廣，好多朋友送上祝福，希望大家可以多啲報道，守明呢種積極面對人生嘅態度，除咗做呢啲團隊之外，佢都有做輔警。」進行儀式期間，棺木放上一幅義勇軍旗、義勇軍軍帽及腰帶，場內奏起航空青年軍音樂、吹起號角，其後鄧梓峰將帽及腰帶交回給曾太。
米雪是20年前在民安隊認識守明，她透露故友經常分享駕駛飛機及做輔警的樂趣，又很願意幫人，兩人最後一次見面是去年，她說：「舊年內地好多工作，想搵埋佢一齊，我曾經聯絡過佢，當時見佢好瘦，就叫佢休息吓先。」米雪表示感恩曾太情緒穩定，不想朋友擔心。
採訪：卓寶花
攝影：陳慧安