王喜今次與陳志雲合作舞台劇《雷雨對日出》，原來是志雲向導演推薦。問志雲是否藉此感謝王喜為自己擋風擋雨？王喜搶說：「咁又便宜咗佢！」志雲笑住回應：「你認為王喜幫朋友係諗住有回報咩？我相信佢唔係，我唔覺得係一個回報，你點叫都好，最後決定權唔係我。」今次舞台劇中王喜飾演志雲胞弟，有正義感，志雲認為就跟王喜真人一模一樣，所以才推薦王喜來飾演。
之前王喜被指意見多多及經常改劇本，但志雲不認為王喜麻煩：「我同佢做舞台劇，我真係唔覺佢麻煩，佢好包容，有時要等成組先到佢，佢都冇發脾氣。」過往《志雲飯局》從未邀請王喜做嘉賓，王喜未有感到不開心，志雲就解釋說：「可能太熟，我要知嘅都知道晒，唔知點樣去問。」