【本報訊】大埔一名男子，前日收工後去買餸，途中遇上一名報稱「輸晒啲錢冇錢開飯」爛賭漢，願以1,000元賤賣手上玫瑰金iPhone 6 Plus手機予他，事主以為「執到筍嘢」，結果被人「搵笨」，購買一部沒法運作的山寨版iPhone。
遇騙事主姓鄧，年約60歲，在區內經營學校飯盒，女兒惟恐騙徒再次得手，前晚10時許，在facebook「Tai Po大埔」群組發帖，詳述事發經過，希望市民提高警覺，「唔好再上當」。
顯示2008年 現簡體字
事發於前日下午5時許，鄧伯收工後計劃往大元邨街市買餸，途中一名年約50歲的男子上前搭訕，聲稱爛賭輸錢，遞給鄧伯一部iPhone手機，指往手機舖放售只能賣上800元，他認為被人壓價，希望鄧伯江湖救急，以2,000元買下。
雙方討價還價後，最終以1,000元成交，鄧伯將手機帶回家，女兒發現手機問題多多，顯示日期為2008年，出現簡體字，又彈出彩色橫間及少量英文字或數字，完全未能正常運作，鄧伯始知受騙，事後更氣憤得整晚失眠。
鄧的妻子稱，丈夫見手機有畫面，外殼不殘舊，不像賊贓，「可能佢貪貪哋心，於是就畀咗錢佢（騙徒）」。
■記者劉雲彪