練馬師蘇偉賢周日(7日)沙田戰馬中，邊啲會係出擊重心？睇今朝晨課動靜，都可以露出一些端倪。
點解咁講呢？話說今朝騎師潘頓在空檔時，專誠到烽火台外，搵蘇偉賢企埋一邊密斟，只見蘇偉賢個樣非常認真，眼神十分嚴肅，似在講解戰略關鍵之處，而潘頓就仔細聆聽，完全不敢怠慢，可謂有晒搏殺手影。
今期蘇偉賢、潘頓共合作「特獎」、「世澤之星」兩駒，都係機會馬。其中「特獎」近兩仗泥地1800米配潘頓全勝，今次雖轉爭第五場四班草地2000米，路程冇根據，但正值當打進步中之馬，復課備戰又冇鬆懈，排6檔又理想，當然仍值得重視。
至於第六場二班1000米之「世澤之星」，終於回跑4戰得2冠1亞1季未落第之直路賽，睇怕蘇偉賢、潘頓又可齊齊揚威凱旋門了。