中超近季不斷用銀彈攻勢吸引大牌球員加盟，𠵱家連名帥都炒貴埋！意大利傳媒《全市場》就爆料，話有一支中超球隊將會用5,000萬歐元（約4.3億港元）將現任德國國家隊主帥路維撬過檔。至於西班牙《阿斯報》就傳出中國足協有意聘請57歲嘅路維成為國足主帥，不過呢個消息就似乎流咗啲喇，因為意大利名帥納比係現任國足主帥，而佢短期內俾中國足協炒魷嘅機會都好低。