練馬師呂健威在周日（7日）沙田賽事，除了派出鎮倉寶「幸運如意」上陣爭主席短途獎外，其他場次戰馬的實力也不俗，如出戰第四場四班1600米配史卓豐的「塑料喜」，呂健威今季接手訓練後，四度跑得亞軍，包括上仗同程在楊明綸胯下只不敵「大運舞台」。
4歲之「塑料喜」出自本港國際馬匹拍賣會，成交價高達700萬，至今仍未開齋，累積獎金僅659,400元，有排未回本，真係唔搏勢係假。好在今場「塑料喜」排得二檔好位，史卓豐認為此馬有望收復失地。
他說：「我近日多番親操『塑料喜』，牠的脾氣特別，走勢不太規矩，有時會閃出閃入，好彩今場有內檔，可貼欄守好位，得以盡展實力。此駒其實質素不錯，陣上表現亦算準繩，今場負118磅輕飄飄十分好跑，只要牠走勢穩定的話，當有力敲響勝鼓。」