東方龍獅首次出戰東南亞職業籃球聯賽（ABL）贏到冠軍，除咗本地球員，當然唔少得外援同亞援嘅功勞。當中法國mix台灣、23歲嘅張文平為咗籃球夢，已經去過四個地方打籃球。喺法國，足球比較普遍，但受到表哥影響，六歲開始打波，18歲就去咗美國繼續追夢，之後去過台灣，然後先嚟香港。
記者問：覺得香港嘅生活點？
張文平答：我喜歡這城市的生活模式，但初時需要時間適應，每個人的步伐都很急促。這是個好的城市，能隨時隨地在街上找到你所需，所有種類的食物都能找到。
記者問：得閒會做啲乜？
張文平答：當我在家中，我會看電影，玩PS4及與家人視像通話。我玩FIFA(足球遊戲)、星球大戰，還會和林泰樂、劉子禮及班尼斯一起打機。
記者問：同邊個隊友最friend？
張文平答：我最常待在一起的是奧尼爾、林泰樂和艾利諾，我和他們較親近因我們住在一起，我們每日都見面，但我和本地球員都很親近。
記者問：有冇女朋友？
張文平答：NO！
記者問：唔同地方嘅女仔有咩唔同？
張文平答：法國女生比較難接近，美國女生較易接近，較開放，香港女生也很難接近，但沒法國女生那麼難接近。
呢位小鮮肉年紀輕輕，周遊各地打波追夢，堅係打得又睇得！