今年7.1係香港回歸20周年，香港O2O電子商務總會同香港零售協會將舉辦首屆「7.1 O2O香港購物節」。總會創會長陳嘉賢話，希望藉此推廣香港電子商貿，令傳統公司升級轉型。商戶只要有實體店，計劃進行網上行銷或市場策劃，提供埋「7.1」元素嘅優惠同限定產品，例如$7.1、710個、71折等就可以免費參加。𠵱家已經有150間商戶參加，詳情下月公佈。
佢話，揀喺回歸日係因為7月係香港生日月，希望港人開開心心咁消費。佢呼籲有心想參加嘅商戶要把握時間，6月中前報名；之後仲會推出一個手機APP，將優惠擺晒上去，咁就行到邊買到邊啦！