今年係六四28周年，立法會都有3年冇按傳統辯論過平反六四議案喇！今年似乎有啲轉機，因為民主黨黃碧雲成功抽到喺今個月17日嘅大會提出平反六四議案，天時、地利都有，𠵱家只差人和箒﹗
話就話黃碧雲抽中17號嘅會期，之但係𠵱家連預算案都審完，就算審得完，排喺碧雲之前嘅仲有公民黨郭家麒提出促請下任特首重啟政改，以及香港本土毛孟靜提出嘅推動港人港水、守護本地資源議案。碧雲就估計，關鍵在於預算案辯論搞成點，因為喺六四前仲有4次大會，若然下個星期搞掂晒預算案，就一定趕得切喺六四前辯論平反六四，如果唔係就比較趕。