沈集成馬房「華麗再現」周日（7日）將在沙田日賽第五場四班2000米上陣，由梁家俊操刀，估計會是熱門之一。
四歲澳洲馬「華麗再現」出自舊年香港國際馬匹拍賣會，身價320萬元，此駒一度跌至五班34分，看似十分庸劣，但原來只是較遲熟，近仗向長途發展，表現脫胎換骨，已一連三仗跑田草1800及田草2200米全勝，尤其上仗一望空衝幾步已過晒，收韁下也彈甩對手2.5馬位，明顯開竅大熟，正是氣勢如虹。
「華麗再現」復課操練未有鬆懈，周四排位日家俊仔親自拍跳彈草閘力谷狀態後，今朝又有動靜，沈集成捉住家俊仔一齊密斟及睇馬，好明顯對今仗非常重視。梁家俊騎過「華麗再現」兩次未逢敵手，人馬最為合拍。此駒身價320萬雖然唔太貴，但目前只獲獎金142萬，馬主葉鋼華仍未回本，所以必定決心爭四連勝。