傳聞iPhone 8加入無線充電技術的消息都幾有說服力，如有傳iPhone 8會用上Broadcom（博通）無線充電晶片，而且早前流出的iPhone 8內部架構圖亦有疑似無線充電裝置，但到底支援哪一種無線充電標準就暫時未有進一步消息。但據美國專利及商標局所公佈的消息所見，Apple正測試一種遠距離的無線充電技術，可以透過Wi-Fi Router為流動裝置無線充電，唔知iPhone 8會唔會就係用上這一種無線充電技術呢？暫時這種透過Wi-Fi Router的無線充電技術只是停留在理論階段，這種能量傳送技術適用於700MHz至2,700MHz的手機網絡及2.4GHz及5GHz Wi-Fi網絡，亦適用於WiGig標準的802.11ad頻譜；相比現行無線充電技術，這項新技術好處是不但可以傳送電能，還能作通訊用途。若然這項技術可以研發成功，趕及在iPhone 8上應用就好，以後大家唔使再怕「大頭蝦」唔記得充電。
資料來源：Appleinsider
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily