上季鋒芒畢露的女將蔣嘉琦，今季勝出率大不及前，近日更完全停滯不前，4月5日贏「五星特工」後，期間約連續騎過50場賽事不勝，已食足1個月白果，是她上季上位以來從未試過，事業似乎陷入一點信心危機。
嘉琦BB當然亦心急打破悶局，這天她落力操馬外，又主動跟練馬師姚本輝密斟，兩人在機坪傾一大輪，嘉琦細心聆聽輝哥教路，周日（7日）兩人獨合作一匹第六場二班1000米之「陀飛輪」，話題自然不離此駒的搏殺大計。
「陀飛輪」雖只贏過谷草，但前仗跑同程1000米直路賽，負131磅下得季軍，輸給頭馬「乘勢好運」不遠，今次再戰直路賽，用嘉琦BB只需負108磅，話唔定嘉琦就靠呢隻馬打破自己久未贏馬嘅悶局。