香港大澳文物酒店踏入5周年，噚日候任特首林鄭月娥特登入到大澳出席慶祝活動。事關呢間酒店係林鄭當做發展局局長，推動歷史活化建築計劃下嘅產物。
林鄭噚日致辭時話，現時香港唔少社區建築受當區居民反對，認為香港大澳文物酒店保育項目可給社會一個啟示，就係地區意見可和保育項目融為一體，表現了社區融合，仲話唔到兩個月之後，佢就會成為下任行政長官，到時佢會將呢個咁富人情味、咁重感情嘅管理方法帶入政府，仲話呢個係佢做行政長官嘅風格。
林鄭之後亦同酒店職員、接待人員交談，之後亦到大澳探訪街坊，遊街期間仲遇到大澳鄉事委員會副主席釋智慧。