關之琳跟呂良偉太太楊小娟一向老友鬼鬼，但2010年之之被傳媒拍得與台灣富商陳泰銘把臂同遊巴黎，有傳之之懷疑是同行的楊小娟放料，二人因而反目，直至12年二人才冰檡前嫌，一起出席澳門活動。
素菜宴客
大前晚楊小娟舉行生日派對，廣邀好友出席，除之之外，還有袁詠儀（靚靚）和丈夫張智霖（Chilam）、周麗淇、張玉珊、榮文蔚、甄子丹和太太汪詩詩、汪詩詩母親及何柱國等。
派對場內以紅色和粉紅色佈置為主，由於呂良偉夫婦是虔誠佛教徒，所以當晚壽宴以素菜招待老友。穿上紅色外套的之之，在派對上開金口賀壽，她與楊小娟一起唱庾澄慶歌曲《808》時搖擺身體，表現十分投入，但之之音準方面卻相當麻麻，唱到「想唱甚麼都好，愛不會說謊，就算key不準都能原諒」，有如在玩「估歌仔」一樣，很難聽得出她究竟在唱甚麼。
靚靚獻花
老婆生日，身為老公的呂良偉當然要表示心意，他即場施冧功獻唱黃品源的歌曲《小薇》，他攬着楊小娟一邊唱，一邊深情對望，逗得楊小娟開心扮花，又幫他打拍子。另外，之之又與何柱國、Chilam等合唱《月亮代表我的心》，其間靚靚忽然上前送花，炒熱氣氛，Chilam更鬼馬地捉着老婆叫她一起合唱，嚇得靚靚速速彈開，呂良偉就說：「靚靚，你使唔使咁驚呀？」
撰文：魯吉