35歲黃翠如同蕭正楠拍拖3年，一直有傳40歲蕭正楠想結婚，不過翠如BB事業心重，唔想收山做人妻，望喺事業搏殺多幾年，之但係拍劇成日有啲親熱戲，雖然話拍慣咗知大家工作性質係咁，有時都怕戲假情真嘅，昨日有周刊指，黃宗澤(Bosco)同翠如BB早前拍完《幕後玩家》演情侶，二人老友鬼鬼，o依家喺《溏心風暴3》，Bosco同翠如又做情侶，早前被影到二人喺迪士尼拍外景要溫馨啜嘴。
據報道指，翠如同Bosco未埋位之前，又攬頭攬頸，由於佢哋都係玩得之人，似足大細路，搭晒膊頭好親密，據知之前指《幕》嗰陣，蕭正楠已經呷晒醋，希望翠如拍咀嘴戲盡量借位，事前翠如都有同男友備案，而一直想將翠如私有化嘅蕭正楠，嚟緊就8月去沖繩旅行，嗰邊個靚教堂，問到蕭正楠會唔會趁機求婚，佢就話翠如鍾意拍劇，想突破自己，又話翠如BB目前工作都忙，咁即係蕭正楠想結婚，只係翠如BB未肯喇!唔怪之得，擔心BB被搶走啦!