律師行胡關李羅創辦人之一嘅胡寶星，喺馬場當然無人不識，仲係凍齡港姐吳婉芳嘅老爺。但佢用真名抽新股就非常罕見，仲捧1.56億元真金白銀買，邊隻新股咁把炮？咪就係今日開始招股嘅交銀國際（3329）囉。唔知胡爵士咁畀面做基礎投資者，開晒名、仲禁售6個月咁抵得諗，究竟係睇中交銀國際乜嘢呢？胡爵士之外，交銀國際仲引入嘉信金融、太平保險（966）、社保旗下嘅大成國際資產管理、山東黃金金控，一共五個基礎投資者，合共涉資6.45億元，佔發售規模三分一左右。