利物浦今年踏入創會125周年，周三就宣佈會將晏菲路嘅百周年看台，改名為杜格利殊看台，表揚呢位名宿嘅貢獻。班主約翰亨利就話，杜Sir代表球會精神同價值觀，值得喺晏菲路名留青史。杜格利殊球員時代最光輝時刻都係喺利記，退休後又兩次出任過紅軍領隊，合共贏得八次聯賽錦標、三次歐冠盃等榮譽。而且1989年發生希斯布祿慘劇時，佢出唔少力連繫球會同球迷，相信冇乜人會反對呢。