「小賭王」何猷龍想進軍日本賭業嘅雄心壯志相信大家都知，之前仲揚言「不惜一切」取得日本賭牌咁話。噚日喺新濠博亞電話會議，作為主席，佢除咗sell自己公司嘅管理層幾咁後生同思想開放，竟然又公開寸爸爸、即賭王何鴻燊做主席嘅澳博（880）喎。話說有分析員問到佢作為澳博小股東，點睇呢兩間公司，佢話新濠博亞同澳博係唔同路線，上述個啲後生、思想開放嘅形容詞都係用於新濠。佢好認真咁話，作為澳博嘅間接少數股東，希望澳博可以增加派息，似間正常運作嘅公司，不過隨即被分析員抄橋，以同一招叫新濠派多啲息，實在有趣！