25歲富二代袁紫僑（CoCo）出道兩年，與賭王四房幼子何猷君拍拖，暫時是入娛圈的代表作，她日前受訪時也不諱言：「我自身需要多啲努力，去build up自己個image。」CoCo選擇以美容生意發圍，這次更示範自家品牌「鼻涕膏」卸妝，遇到要「計數」的項目，CoCo便會找猷君幫忙。
撰文：林嘉慈
攝影：周樂恒
化妝：King Yip of Kings Makeup
服裝提供：RedValentino、連卡佛、apm Monaco
袁紫僑家族在內地搞半導體生意，是名副其實的億萬千金，前年以女團少女標本成員姿態加入娛樂圈，唱歌又拍戲，最為人熟悉是去年10月爆出與賭王之子何猷君的戀情。背負富二代與猷君女友之名，CoCo坦言有壓力，「唔會特登講，又唔會話太避忌，始終寫咗出嚟。我自身需要多啲努力，去build up image。」
家人金錢資助
父母在工作上也給予一定壓力，CoCo不時被問有否興趣任製片投資，「佢哋覺得女仔食青春飯唔會幾耐，始終要有固定收入同長遠發展。」她多線發展，去年底注資好友、前韓國女團RANIA的中國籍隊員Yijo（常一嬌）的美容生意STASIA。
CoCo與猷君，一個搞美容，一個搞科技，二人互相扶持，「我哋都屬於初初開始自己出嚟做嘢，雖然唔係同一行業，但遇到嘅問題其實差唔多。佢覺得女仔心思細啲，人際關係方面有多啲諗法。我計數方面唔得，大嘅經濟問題，我都會問番佢，睇吓有乜idea畀我。佢計數好快，計discount快過我㩒計數機。」二人為生意不時分隔兩地，盡力抽時間見面，長期保持電話聯絡，「乜都傾，每日傾拍拖嘢都好悶、嘥時間，如果需要有個時間溝通，不如講啲對大家長遠有幫助嘅嘢。」相處屬共同進步的模式，「睇到大家進步咗好多。」
投資額逾八位數，CoCo承認家人有金錢資助，「自己都有幫補到啲savings。」總壇設於北京，連同山東新店、正裝修的上海、堔圳及蘇州張家港店，今年內地分店數目至少達五間，還密謀進軍香港，業務包括護膚療程、推出自家護膚品。她主力負責市場部、洽購加盟店拓展版圖，合夥人則專注產品研發。
返校園讀MBA
CoCo要向父母交計劃書，定時檢討進度，早已預備捱罵。談到最大困難，她說：「平時護膚化妝，覺得自己幾叻，但做生意、去到更加專業嘅位置，就好多嘢要學。好多嘢啱我，但你皮膚同我唔同，生瘡位置唔同，照住自己美容方法去畀人試可能有反效果，當時幾灰，覺得係咪唔適合去做，點解我曾經覺得自己好叻嘅一樣嘢，反而做唔到。」除了與合夥人及專業人士多溝通學習，定期去培訓、巡廠研究配方，讀商科出身的她今年還會重返校園，於上海交通大學修工商管理碩士學位（MBA），將勤補拙。
【卸妝Steps】
【天然椰漿粘污垢】
CoCo認為化妝與卸妝同樣重要，「落完妝面對自己嘅時間都幾長，如果落妝唔乾淨，令皮膚有更多問題，令自己唔開心，化咗妝都會唔開心。」凡事求快的她，推介自家品牌、因質地取名的「鼻涕膏」，親身示範快速卸妝及日常護理。
合夥人Yijo表示產品集卸妝、潔面及保濕功能，主要成份是天然椰漿，「原理有點像清潔鍵盤的粘膠，塗到臉上是粘粘的，粘度剛好把毛孔裏、平時手洗都觸及不到的髒東西都粘出來。」
更多精采時尚內容，盡在 http://add.appledaily.com 。