許志安前晚聯同觸執毛、Dear Jane、RubberBand及Supper Moment等開「21安士音樂會」，更透露有機會將21安士衝出香港。安仔說：「聽聞有啲公司傾緊，睇我哋有冇期，不過好難就，佢哋啲期好忙，等我去就佢哋喇！真係好難得，由一隻唱片，做到第二次騷。」瞓上人堆的觸執毛主音阿水表示：「觀眾一開始已經企晒起身，帶動晒成個騷，令我都忘形，唔理條命，向後瞓落啲人堆度。」問安仔可夠膽？他笑言有機會衝出香港會一試。
另外，周國賢和劉浩龍前晚打頭陣出場，周國賢之前不小心將結他弦線插入手，Supper Moment主音Sunny笑謂：「係呀！開頭以為直插入去，不過後嚟睇醫生，先發現好似魚鈎咁鈎住，仲要懶勁咁話唔使止痛就掹番出嚟。」
採訪：馬建華
攝影：葉君海