禮拜日（7日）田草的十場賽事就採用A加3欄作賽。看回最近3月26日同一移欄賽事，1200米或以下短途仍以前置馬表現較佳，不過中距離賽事後追馬唔算蝕底，好似「財歡笑」、「奔馳寶馬」及「世界紀錄」都係入直路從中後位置衝上贏馬，故此靠後勁食糊馬都唔可以睇小。今戰列陣馬中，頭場「財歡笑」歷來兩W都於A加3欄所得，亦係全場唯一贏過此移欄1600米之參戰馬，憑較佳場地性能有力先拔頭籌。另外，尾場「一片光明」四次角逐田A加3欄勁取三勝一位未失三甲，場地性能唔使懷疑，用見習生黃皓楠減磅可食尾糊。