特朗普上任一百日，無所作為。梁特就快離任，無一百日咁多，進入倒數只剩雙位數的日子，梁特顯然內心交煎，好想日日都咁搶鏡。這樣，網友幫眼，替他搵細藝，例如：
一，connect訂定小桃園江湖飯局，2.0被西環捧上台，點夠膽擺脫鄉黑呢。梁特留枱，林鄭付鈔，食柒咁食。
二，蒐集廣東情報，睇幾時吹乜風。下台後咁清閒，梁特做硬大灣區一帶風向雞、一路天文台。梁氏力場，硬過姓李的。
三，升呢做國家領導級，當然唔吼十八區，實行放眼大灣區。灣區置業，一定唔怕步曾蔭權後塵。未來個半月密密睇樓，帶團搵盤，日日大讚：江門真係靚！肇慶真係好靚！霧霾？無，真係無見過！這個大公關勁過化妝師，阿爺like爆，賺硬外快。（好搵過林鄭那位兩個月賺32萬用簡體字招呼記者的公關。）
四，搵何×堯惡補法律，自薦做下任律政司！上任後首先起訴人獸交！繼而DQ狗法官！大和解？妄想！