咁趕，不如畀佢踢埋場波先喇!原來巴西警察對犯罪真係零容忍。話說有位效力巴西球會Sapucaiense嘅球員馬朗，因為涉嫌有份參與一宗發生喺商場嘅綁架案，喺周三一場南里奧格蘭德州乙組比賽期間，坐喺後備席嘅時候俾警察拉咗。當地警方發言人回應話：「馬朗已經被調查咗一段時間，事主喺商場被綁架，佢張信用卡之後俾其他人用嚟買嘢。」馬朗被拘捕後，否認所有指控。