灣仔皇朝會係候任特首林鄭月娥競選時嘅大本營，不時喺度約見各界人士拉票。而喺林鄭成功當選後，皇朝會依舊好熱鬧，噚日民主派與建制派嘅立法會「頭目」，破天荒舉行破冰飯局，聚腳地就係皇朝會嘞，之但係現場最矚目嘅人，卻唔係兩陣營巨頭，反而係教育局局長吳克儉。
乜吳得掂做咗聯絡大使，幫兩邊穿針引線？當然唔係啦，因為呢種游說工作呢，係要一定能力同親和力，唔係人人都做得㗎！查實吳得掂只係咁啱路過箒，一如過往咁，純熟飾演「路人甲」角色，冇開腔回應傳媒問題，仲透過嗰對攤開平衡擺放嘅玉手，話畀大家聽佢會封口，果然對「路過」好有心得。