據英媒報道，今季有望做英超同英足盃雙冠王嘅車路士，準備定喺5月28號進行勝利巡遊，但佢嘅英足盃對手阿仙奴，就想搞破壞，如果最後英足盃係佢哋封王，都想定喺同一日搞勝利巡遊。事實上，聯賽冠軍嘅勝利巡遊通常喺煞科戰後翌日舉行，但車仔就梗係想等埋英足盃後翌日一次搞。不過，5月29號係英國嗰邊嘅銀行假，如果有隊遷就下，延遲一日搞就最好，但真係唔知邊隊肯讓步。