恒生（011）早前有高層人事變動，由新地（016）回巢恒生唔夠年半嘅陳國威（Patrick）忽然拜拜，孖屐之前一直以為佢有機會接替一姐李慧敏做恒生行政總裁吖嘛，忽然有呢個變動，大家當然八卦喇。咁啱噚日公益金喺恒生中環總行舉行「便服日籌款頒獎禮」，一姐李慧敏身兼公益金執行委員會副主席，有份頒獎，點知佢好似早有準備（唔答問題），一開波就陪實主禮嘉賓、政務司司長張建宗一齊入場，全程keep住有講有笑，最後影完大合照，大夥兒就一齊急急腳散水，完全無位畀傳媒提問呀。